يبدو أن أزمة الفنان محمود حجازي وزوجته رنا طارق ستشهد في الفترة القادمة العديد من المفاجآت الصادمة حيث يفاجئ الطرفان الجمهور من آن لآخر بتصريحات مثيرة حول أزمتهما، وبعد تصريح محمود حجازي بإصراره على عدم التنازل عن منع ابنهما من السفر لأمريكا خرجت زوجته عن صمتها وكشفت عن عدم قيام حجازي بالإنفاق عليها أو على ابنهما، حيث قالت رنا طارق في بيان إن عمرها ما طلبت منه يشيل منع السفر، وبعدين ابنه ده مش عايش معاه ولا بيصرف عليه وبقالي خمسة شهور عايشة مع ابني في مكان تاني في مصر وأنا اللي بصرف على نفسي وبصرف على ابني لوحدي، كما أكدت رنا طارق أن محمود حجازي عرض عليها إلغاء منع السفر مقابل حصوله على مبلغ مالي منها ولكنها رفضت ذلك العرض مشيرة إلى أن سبب انتظارها في مصر هو الحصول على حقها منه بعد واقعة تعديه عليها بالضرب المبرح وأن موعد جلستها القادمة يوم 21 فبراير، وكشفت رنا طارق أن السبب الأساسي للخلافات هو وقفها لإجراءات الجنسية الأمريكية ذات الخمس سنوات لحجازي والتي كادت أن تنهي إجراءاتها قبل اكتشافها لعلاقاته النسائية المتعددة مما أشعل نار الخلافات بينهما، وبخصوص عدم رؤية أهل محمود حجازي لابنهما أكدت رنا أنها لم تمنع ابنها عنهم ولكنها رفضت أن يكون اللقاء داخل منزل العائلة لخوفها من حجازي وأن يعتدي عليها بالضرب وبخاصة أن عائلته لا تستطيع السيطرة عليه وأنها أخبرتها قبل ذلك بأنه ملقاش كبير، مضيفة أنها طلبت منهم أن يكون اللقاء داخل مكان عام لتفاجئ باختفائهم عن المشهد، وكان الفنان محمود حجازي قد علق على أزمته الأخيرة بشأن التعدي على زوجته وفتاة أجنبية ونشر منشورًا عبر حسابه الرسمي بموقع إنستجرام وعلق قائلًا إنهم لا يعرفون الخير فين وليه بيحصل كل ده أكيد ربنا ليه حكمة والحقيقة هتبان هتبان وساعتها هبقى ضامن حقي في الدنيا زي ما ضامن حقي في الآخرة، وأضاف محمود حجازي كفاية كدب ده انتوا حتى بتكذبوا في الشهادة العلمية وبتقولوا دكاترة فين طيب الدكتوراه دي وهي كدبة بتحاولوا تداروا بيها عن نقصكم، وأنتم فاضيين ولا تعموا غير على أذيتي وكل من حولي، مهما عملتوا مش هتنازل عن منع سفر ابني اللي أنا محروم منه ولحد دلوقتي أبويا وأمي لسه ما شافوهش خالص من ساعة ما اتولد وبقي عنده سنة ونص وبقاله في مصر خمسة شهور، وتابع محمود حجازي ربنا موجود وأنا أقوى من أي حاجة عشان معايا الحق ومهما صرفتوا من حملات عشان تدمروني مش هتعرفوا ده تعب سنين ولو عايزين تتشهروا اصبروا لسه اللي جاي هيشهركوا أكتر رغم كنت ساكت عشان خاطر ابني بس دلوقتي خلاص، واختتم محمود حجازي منشوره قائلًا لازم الدنيا كلها تعرف حقيقتكم زي ما ربنا عارفها إني فوضت أمري لله وبجد اللي حصل ده علمني كتير أوي وشكرًا لكل حد سأل عليا أو قال كلمة خير في حقي ولكل حد بيتكلم عن الموضوع وكأنه عايش معانا وبيأكد اتهامات من غير دليل حسبنا الله ونعم الوكيل لقاءنا قدام ربنا
